កម្មវិធីកិច្ចប្រជុំបូកសរុបរបាយការណ៍ និងការអបអរសាទរបុគ្គលិកឆ្នើមប្រចាំត្រីមាសទី៣

October 10, 2025

កាលពីព្រឹកថ្ងៃសៅរ៍ ទី០៤ ខែតុលា ឆ្នាំ២០២៥ ក្រុមហ៊ុន CheckinMe ប្រព័ន្ធគ្រប់គ្រងបុគ្គលិកឈានមុខគេនៅកម្ពុជាបានចូលរួមអបអរសាទរសមិទ្ធផលថ្មីនៃត្រីមាសទី៣ តាមរយៈការប្រារព្ធកម្មវិធីប្រជុំបូកសរុបរបាយការណ៍ ការលេងល្បែងកំសាន្ដ និងការប្រគល់លិខិតសរសើរដល់បុគ្គលិកឆ្នើមផងដែរ។

លោក ឡី កំថូង ប្រធាននាយកប្រតិបត្តិនៃក្រុមហ៊ុន CheckinMe បានចែករំលែកបទពិសោធន៍ជាច្រើនពាក់ពន្ធនឹងការអនុវត្តការងារប្រចាំថ្ងៃដោយប្រកាន់ខ្ជាប់នូវទំនួលខុសត្រូវ វិន័យ និងការតាំងចិត្តក្នុងការសម្រេចបាននូវលទ្ធផល។

ក្នុងកម្មវិធីនេះ ក៏មានការធ្វើបទបង្ហាញអំពីរបាយការណ៍សរុបនៃត្រីមាសទី៣ដោយប្រធាន និងអនុប្រធានមកពីការិយាល័យនៃនាយកដ្ឋាននីមួយៗ ដែលបានបញ្ចាក់ឲ្យឃើញពីលទ្ធផលវិជ្ជមានជាច្រើន ព្រមទាំងគម្រោងសំខាន់ៗសម្រាប់បញ្ចប់ក្នុងឆ្នាំ២០២៥នេះ។

មិនតែប៉ុណ្ណោះ ថ្នាក់ដឹកនាំក្រុមហ៊ុន CheckinMe ក៏បានរៀបចំផ្ដល់លិខិតសសើរ និងរង្វាន់លើកទឹកចិត្តជូនដល់បុគ្គលិកឆ្នើមទាំង ១១ រូប ប្រចាំនាយកដ្ឋាននីមួយៗដែលបានបំពេញកាតព្វកិច្ចបានយ៉ាងខ្ជាប់ខ្ជួនរយៈពេល ០៣ខែកន្លងមកនេះ។

កម្មវិធីនេះ បានប្រព្រឹត្តិទៅដោយរលូនដោយមានការចូលរួមពីថ្នាក់ដឹកនាំ សមាជិកគណកម្មាធិកាកិច្ចការផ្ទៃក្នុង និងសមាជិកក្រុមការងារ CheckinMe ប្រមាណជាង ៦០នាក់ នៅក្នុងអគារការិយាល័យផ្ទាល់របស់ក្រុមហ៊ុន CheckinMe។